Bright Star …♥

http://www.youtube.com/watch?v=CdDDY5nVA3A

კაშკაშა ვარსკვლავო, უცვლელობით მსურს შენ გემსგავსო

მაგრამ არ გგავდე ღამეული სხივმოსილებით,

რომ მხოლოდ ბნელში ცისკიდიდან არ დავაფასო

ის რასაც ფარავს მთვარე თითქოს სადაფის ქვებით.

შემოსილი ხარ ბრწყინვალების შარავანდედით

საუკუნეებს ითვლის შენი ჩუმი ნათება,

მარადიული უძილობით შენი სასჯელით,

ხმელეთს დაჰყურებ უდარაჯებ როგორც ხატებას.

გაფაციცებით უცქერ მთავლულს,დაპენტილს თეთრად,

გათანაბრებულს ქათქათა და სპეტაკი თოვლით.

ვხედავ მყინვარებს,გოლიათებს მზირალს ზვიადად,

სანაპიროებს უკაცრიელს თუ სავსეს ხალხით,

ვარსკვლავო, მსურს მეც უსასრულოდ ვუმზირო თუმც სხვას,

თავი მივაყრდნო მის მკერდს, როგორც ძვირფას სასთუმალს 

შენ ზღვის ტალღების ითვლი რბოლას და ასვლა ჩასვლას,

მე კი დავითვლი მაგ მკერდიდან ამოსულ სუნთქვას.

ვიფხიზლებ მარად, უსასრულოდ, დაუღალავად

არ მომწყინდება მისი სუნთქვის დარაჯად დგომა,

არ დავიღლები, უცქერ თვალის მოუხუჭავად

მას, ვინც მიბოძა მხოლოდ ერთხელ უფალმა ღმერთმა. 

სიტკბონარევი მღელვარება არ მომბეზრდება,

და თუ სიცოცხლე საუკუნო არ მიწერია,

ამ მკერდზე სიკვდილს ჩემი გული შეეგებება,

ჰო, მის მზერაში თუგინდ სულიც დამილევია …Image

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out /  Change )

Twitter picture

You are commenting using your Twitter account. Log Out /  Change )

Facebook photo

You are commenting using your Facebook account. Log Out /  Change )

Connecting to %s